ករណីរំលោភរួចសម្លាប់ក្មេងស្រីអាយុ១៤ឆ្នាំនៅស្រុកឈូក ត្រូវសមត្ថកិច្ចចាប់បានឃាតករហើយ
21-January-2016 | ដោយ មួយឡា
កំពត៖ កាលពីវេលាម៉ោង ៧ព្រឹក ថ្ងៃទី២០ ខែមករា ឆ្នាំ២០១៦ ម្សិលមិញ ប្រជាពលរដ្ឋ បានប្រទះឃើញសាកសពក្មេងស្រីម្នាក់ នៅ ស្ថិតនៅចំណុចគំនរចំបើង កន្លែងដាច់ស្រយាលមួយ ក្នុងភូមិត្រពាំងគុយ ឃុំល្បើក ស្រុកឈូក ខេត្តកំពត។
សាក្សីបាននិយាយថា ក្មេងស្រីរងគ្រោះឈ្មោះ ឃុន ណាន អាយុ១៤ឆ្នាំ រស់នៅភូមិឃុំកើតហេតុ បានចេញពីផ្ទះទៅរៀនតាំងពីព្រឹក ថ្ងៃទី១៩ មកម្ល៉េះ រហូតដល់ពេលល្ងាច ក៏បាត់ក្មេងរងគ្រោះមិនឃើញត្រឡប់មកផ្ទះវិញ ហើយសាច់ញាតិនាំគ្នាចេញទៅដើររក តែមិនឃើញ លុះព្រឹកឡើងថ្ងៃទី២០ ទើបមានគេប្រទះឃើញសាកសព ក្មេងស្រីរងគ្រោះ នៅចំណុចខាងលើតែម្តង។
ក្រោយកើតហេតុសមត្ថកិច្ច បានចុះមកត្រួតពិនិត្យ បានសន្និដ្ឋានថា នេះករណីចាប់រំលោភសេពសន្ទវៈ រួចសម្លាប់ចោល ដើម្បីបំបិតមាត់។ ទោះជាយ៉ាងណាក៏ដោយ កាលពីល្ងាច ថ្ងៃដដែលនោះ កម្លាំងនគរបាលជំនាញ នៃស្នងការដ្ឋានខេត្ត ដោយមានការបញ្ជាផ្ទាល់ពីស្នងការខេត្តលោក ឧត្តមសេនីយ៍ ម៉ៅ ច័ន្ទមធុរិទ្ធ បានបើកការស្រាវជ្រាវ និងចាប់បានជនដៃដល់ យកមកផ្តន្ទាទោសតាមច្បាប់។ ចំណែកបក្ខពួកដែលរត់គេចខ្លួន សមត្ថកិច្ចកំពុងតែស្វែងរក និងតាមចាប់ខ្លួនបន្ត៕
ប្រភព៖ ann
ចំនួនអ្នកទស្សនា
- ថ្ងៃនេះ1561
- ម្សិលមិញ15191
- សប្តាហ៍នេះ44711
- ខែនេះ66591
- ឆ្នាំនេះ66591
- សរុប20509047